Комората на проценувачи е основана на Седница на проценувачи на ден 29.12.2012 година.
Истата е регистрирана согласно закон за процена и формирана врз основ на одобрение од страна на Министерство за правда.
Првите лиценци беа дадени со заклетва пред надлежниот министер.
Заради промовирање на високи професионални стандарди и за подобвање на квалитетот на услугите од проценувачите, проценувачите се здружуваат во Комора на проценувачи како професионално коморско здружување. Членови на Комората на проценувачи се овластени проценувчи (трговски друштва и трговци поединци регистрирани согласно ЗТД) и проценувачи од кои 224 проценувачи и 114 овластени проценувачи во Регистарот кој го води Комората – Управниот одбор на комората.
Согласно Законот за процена, Органи на Комората се: Собрание на Комората, Управен одбор, Претседател на комората, Надзорен одбор, Комисија за ревизија и Дисциплинска комисија.
Комората има статус на правно лице со јавни овластувања кои се утврдени со Законот за процена , Статутот
на комората и други акти.
Комората ги има следните задачи и цели:
- Води регистар на проценувачи и овластени проценувачи
- Донесува годишна програма за континуирани обуки за проценувачите, одредува услови, организира и спроведува континуирано професионално образование
- Ја следи примената на Меѓународните стандарди за проценување на вредност ИВСЦ и Европските стандарди за проценување на вредност ТЕГОВА
- Иницира соработка со професионални комори на проценувачи
- Организира стручни симпозиуми од област на проценителството
- Иницира измени на законските прописи од област на проценителството
- Донесува годишна програма и годишен извештај за работењето на Комората
