Во Охрид, од 18 до 20 Мај, се одржа 7-мата Меѓународна конференција на проценувачи на која присутвуваа 245 учесници и околу 30-тина гости од земјава и од странство. Конференцијата со свое излагање и поздравен говор ја отвори м-р Валентина Младеновска, претседател на Комората на проценувачи.

Комората на проценувачи се залага за хармонизација на нашиот Закон за процена и подзаконските акти со Европската регулатива, како и Европските и Меѓународните стандарди за проценување. Во таа насока за ПРВ пат присуствуваа и имаа предавања:

• Претседателот на Европската асоцијација на проценувачи TEGOVA Г-н Krzysztof Grzesik REV FRICS IRRV (Hons)
• Директорот за технички стандарди (материјални средства) од Советот за меѓународни стандарди за вреднување (IVSC) Г-н Alexander Aronsohn FRICS

Како предавачи и гости оваа година имавме и еминентни проценувачи од нашата држава, но и од Романија, Грција, Црна Гора и Бугарија.

Претседателката м-р Валентина Младеновска во име на Управниот одбор на Комората изразува благодарност до сите учесници кои дадоа свој допринес за успешна конференција.